Kryeministri Berisha: Liria e medias jetike për një demokraci të shëndetshme

Duke u ndalur në fjalën e tij, në rëndësinë e hartimit të ligjit, që ka si qëllim të mbrojë gazetarët nga ndërhyrjet e pronarëve, Kryeministri theksoi se mbrojtja e fjalës së lirë është jetike për demokracinë e një vendi dhe se mohimi i saj është në dëm të publikut.

“Shprehja e fjalës së lirë është për mua parësore dhe mbrojtja e saj është jetike, sepse në qoftë se pronarët për interesat e tyre, jo gjithnjë të shëndetshme, duan t’i lidhin gjuhën gazetarit, ata i lidhin gjuhën publikut, ” u shpreh Kryeministri.