Kryeministri Berisha takon zotin Michael Granoff, President i Fondit shqiptaro-amerikan të ndërmarrjeve

Kryeministri Berisha  prit sot në një takim zotin Michael Granoff, President i Fondit shqiptaro-amerikan të ndërmarrjeve,  së bashku me presidentin e kompanisë Weber Shandwik.  Gjatë këtij takimi u diskutua gjerësisht për rezultatet e reformave të ndërmarra nga qeveria shqiptare në fusha të ndryshme, si dhe perspektivën e vazhdimësisë së tyre.

Zoti Michael Granoff vlerësoi arritjet pozitive të këtyre reformave, kryesisht në fushën ekonomike, si dhe klimën e përshtatshme që ekziston në vend në favor të biznesit.

Zoti Granoff i shprehu përgëzimet e tij, kryeministrit Berisha për marrjen e ftesës për anëtarësim në NATO, duke theksuar se kjo ngjarje  përbën një garanci dhe siguri për investitorët e huaj si dhe përmirësimin e mëtejshëm të imazhit të Shqipërisë.