Kryeministri Fatos Nano, gjatë pjesëmarrjes së tij në Samitin e NATO-s në Stamboll, zhvilloi një bisedë me Presidentin e Shteteve të Bashkuara të Amerikës, Xhorxh Bush. Në këtë takim,

Kryeministri Fatos Nano, gjatë pjesëmarrjes së tij në Samitin e NATO-s në Stamboll, zhvilloi një bisedë me Presidentin e Shteteve të Bashkuara të Amerikës, Xhorxh Bush.

Në këtë takim, Presidenti i SHBA-së Xhorxh Bush e siguroi Kryeministrin e Shqipërisë, Fatos Nano, për mbështetjen e plotë dhe të vazhdueshme të Shteteve të Bashkuara për Shqipërinë në drejtim të proçeseve integruese dhe për zhvillimin ekonomik të vendit.

Z.Bush u shpreh se ka dhënë porosi që progresi i bërë nga Shqipëria dhe kontributet e saj të vlerësohen pa vonesë për t'u përfshirë në financimet dhe asistencën e drejtpërdrejtë amerikane, të cilat do të ndikojnë në zhvillimin ekonomik të vendit dhe në fusha të tjera.

Presidenti Bush e përgëzoi Kryeministrin Nano për lidershipin e suksesshëm në qeverisjen e vendit, duke theksuar se "ne kemi nevojë për vazhdimin proçeseve dhe kualifikimeve që ka siguruar lidershipi juaj në Shqipëri, në rajon dhe në koalicionin global të lirisë kundër terrorizmit".