Kryeministri Fatos Nano ka marrë pjesë sot pasdite në ceremoninë e organizuar me rastin e Ditës së Drejtësisë, 10 majit. Në këtë aktivitet të organizuar në Pallatin e Kongreseve merrnin p

Kryeministri Fatos Nano ka marrë pjesë sot pasdite në ceremoninë e organizuar me rastin e Ditës së Drejtësisë, 10 majit. Në këtë aktivitet të organizuar në Pallatin e Kongreseve merrnin pjesë Ministri i Drejtësisë z. Fatmir Xhafa, Kryetari i Gjykatës së Lartë dhe njëkohësisht nënkryetar i KLD, z. Thimio Kondi, Prokurori i Përgjithshëm Dhori Sallaku, përfaqësuesi i KE-së në Tiranë z. Lutz Saltzman, ambasadorë dhe përfaqësues të tjerë të trupit diplomatik në Shqipëri, si dhe përfaqësues të sistemit të gjyqësorit shqiptar.

Në këtë aktivitet përfaqësuesit e lartë të sistemit të gjyqësorit shqiptar u shprehën mbi prioritetet, përgjegjësitë dhe angazhimin e tyre në funksion të përmirësimit të drejtësisë në vendin tonë.

Më pas, gjatë ceremonisë u nënshkrua një Rezolutë e përbashkët në kuadër të bashkëpunimit të "drejtësisë së organizuar kundër krimit të organizuar", mes tre institucioneve, Ministrisë së Drejtësisë, Gjykatës së Lartë dhe Prokurorisë së Përgjithshme.