Kryeministri Fatos Nano ne kuader te pjesemarrjes ne takimin e vendeve te Europes Juglindore te Forumit Ekonomik Boteror ka zhvilluar takime me personalitete te ndryshme qe merrnin pjese ne kete Forum
Kryeministri Fatos Nano ne kuader te pjesemarrjes ne takimin e vendeve te Europes Juglindore te Forumit Ekonomik Boteror ka zhvilluar takime me personalitete te ndryshme qe merrnin pjese ne kete Forum.
Keshtu Kryeministri Nano u takua sot ne Athine me Kryeministrin e Kosoves, Bajram Rexhepi. Biseda ne kete takim eshte perqendruar veçanerisht ne punen qe duhet te bejne institucionet perfaqesuese te Kosoves per integrimin ne rrjedhen integruese euroatlantike.
Kryeministri Nano ka vleresuar vullnetin e autoriteteve te Kosoves per forcimin e institucioneve demokratike. Kjo, u shpreh Kryeministri, do te ndikoje drejtpersedrejti ne kthimin e sigurise, te stabilitetit dhe te bashkejeteses multietnike ne Kosove.
Te dy kryeministrat ndane te njejtin mendim per punen qe duhet bere per nje prezantim me te mire ne mjediset nderkombetare te autoriteteve te Kosoves.
"Ne bashkepunim me partneret tane euroatlantike, tha Kryeministri Nano, do te vazhdojme te jemi te angazhuar per te lene prapa periudhen e konflikteve e te folklorizmit politik dhe te menaxhojme per ne drejtimin e duhur hapat perafrues me institucionet europiane e me gjere".
Ne kete kuader, u tha ne takim, Kosova dhe institucionet e saj, ne bashkepunim me UNMIK duhet te intensifikojne kontaktet, jo vetem me qendrat e medha Euroatlantike, por te zgjerojne dialogun edhe me qendrat e rajonit.
Po sot, Kryeministri Fatos Nano, eshte takuar me Ministrin e Jashtem te Greqise, Papandreu.
Biseda mes dy personaliteteve eshte fokusuar, ne menyre te veçante, ne hapat e perbashketa per realizimin e projekteve ne kuader te iniciativave mes dy vendeve, ato rajonale dhe europiane.
Nano dhe Papandreu kane rene dakord per ngritjen e komisioneve te perbashketa te punes per intensifikimin dhe thithjen e financimeve te ketyre projekteve. Ne kete kuader u konfirmua vullneti i perbashket per te ecur perpara ne kete proces.
Kryeministri Fatos Nano eshte takuar, gjithashtu, me Presidentin e Kroacise Mesiç, Presidentin e Maqedonise Trajkovski si dhe me Kryeministrat e Serbise Zhivkoviç dhe ate te Malit te Zi, Gjukanoviç.