Kryeministri: T'u vihet ne ndihme te gjithe banoreve te bllokuar

Ne mbledhjen e Grupit Parlamentar te PD-se, kryeministri Berisha i ka kushtuar nje vemendje te madhe situates se krijuar ne vend pas reshjeve te fundit te debores. Kreu i qeverise ka kerkuar nga ministrat dhe deputetet qe te perqendrohen te gjitha kapacitetet e duhura per te lehtesuar dhe ndihmuar banoret, te cilet kane mbetur te bllokuar nga rruget, per shkak te reshjeve te dendura te debores. "Ky eshte nje dimer qe ka rikthyer ne memorien e shqiptareve dimrat e dikurshem, persa i perket debores dhe nga ana tjeter, eshte shoqeruar me nje pakesim te paprecedente te ujerave ne kaskaden e Drinit", tha Berisha. Duke nenvizuar si te rendesishem faktin e mungeses se kapacitetit hidrik ne kaskaden e Drinit, kreu i qeverise ka informuar deputetet dhe opinionin publik se per furnizimin e vendit me energji elektrike eshte bere gjithcka, duke bere blerje me cmime te kripura, vetem e vetem qe shqiptaret te mos vuajne mungesen e energjise. "Ne do ta blejme energji sa kohe qe do ta gjejme, ne menyre qe vendi te mos njohe, te mos vuaje mungesen e saj", tha Berisha.