Kryeministri: Urgjent grup pune per verifikimin e lejeve per karburantet
Kryeministri Berisha ka kerkuar dje nga ministri i Ekonomise dhe Energjetikes, Genc Ruli qe te ngreje edhe nje grup pune, i cili do te verifikoje lejet e ndertimit, per pikat e karburanteve, qe jane ndertuar ne afersi te pallateve te banimit. Gjate mbledhjes me dyer te mbyllura te grupit parlamentar te Partise Demokratike, kryeministri Berisha ka shfaqur shqetesimin e tij, per rrezikimin e jetes se banoreve te pallateve, te cilat kane ne afersi te tyre edhe pika te shperndarjes se karburantit. Kete shqetesim kryetari i qeverise e ka shprehur pas konstatimit te tij personal te ketij fenomeni, i cili haset rendom ne qytetet e medha te vendit. Ne keto kushte kryeministri Berisha ka kerkuar qe ministria te beje punen e saj, per verifikimin e lejeve te ndertimit, ndonese keto leje jane e drejte e pushtetit vendor. Ne kuader te ngjarjeve tragjike qe po ndodhin nga ndertime pa kriter sic ishte ajo e pallatit ne Gjirokaster, kryeministri Berisha ka theksuar se qeveria nuk ka si qellim edhe nderhyrjen ne punet e pushtetit vendor, por ka si qellim te saj kryesor mbrojtjen e jetes se qytetareve te pafajshem ne te gjithe vendin. Gjate fjales se tij ne mbledhjen me dyer te mbyllura te grupit parlamentar te PD-se, kryeministri Berisha ka theksuar se, qytetaret shqiptare gjenden aktualisht te rrezikuar, nga shume ndertime pa kriter, te cilat kane ardhur nga abuzimi i zyrtareve me pushtetin. Ne kete kuader, ndergjegjesimi per fenomenin e rrezikshem te ndertimit te pikave te karburantit prane pallateve shumekateshe, kontrolli dhe parandalimi i ketij fenomeni, do te sillte jete me te sigurt per qytetaret, te cilet jetojne cdo dite nen friken e kercenimeve te jashtme. Ngjarja e ndodhur ne Gjirokaster dy dite me pare, ku si pasoje e shembjes se nje pallati, gjeten vdekjen 3 persona dhe u plagosen rreth 15 te tjere, duket se po sherben si sinjal per evidentimin e rreziqeve te tjera, qe mund te demtojne jeten dhe shendetin e qytetareve. Berisha paralajmeroj se do te merren te gjitha masat per te bere sa me te sigurt jeten e qytetareve. Fatjona Mejdini