Topi: Prokuroria, hetim tragjedise

Presidenti i Republikes, Bamir Topi kerkoi dje nga Gjirokastra venien e pergjegjesve per tragjedine e renies se pallatit, para drejtesise. Nga vendngjarja, kreu i shtetit, i beri apel Prokurorise dhe Gjykates se rrethit, qe mbi kete ngjarje, te kryhet nje hetim profesional qe te jete nen monitorimin e Prokurorise se Pergjithshme, si dhe Keshillit te Larte te Drejtesise, qe drejtohet nga Topi. "Gjirokastra eshte nje rast unikal, ku deshira per fitim shnderrohet ne papergjegjshmeri. Strukturat e linjes, duhet te mbajne pergjegjesi per situaten qe solli tragjedine", tha i prere Presidenti, Topi. Kreu i shtetit u shprehu personalisht ngushellimet, familjeve te viktimave dhe u shpreh i gatshem per te qene prane tyre pas situates se rende te ndodhur. Topi u kerkoi mbeshtetje te plote morale dhe materiale nga shteti per te mbijetuarit e tragjedise ne Gjirokaster. Kerkese qe ai e beri gjate mbledhjes se Shtabit te Emergjences ne prefekturen e ketij qyteti. Gjate qendrimit ne zone, Presidenti Topi u takua me perfaqesues te Shtabit te Emergjences dhe shprehu falenderimet e tij, per te gjithe ata qe dhane ndihmesen e tyre ne kete situate te veshtire. Gjithashtu, Presidenti zhvilloi takime me strukturat lokale ne zone por dhe me te mbijetuarit e tragjedise, te cilen u siguroi mbeshtetje te plote nga organet kompetente. Dy dite me pare ne Gjirokaster, u shemb nje pallat pese katesh, i cili shkaktoi 3 te vdekur. Banore qe jetonin ne te. Nje numer i madh personash qe ndodheshin ne momentin e shembjes arriten te mbijetojne.