Kryeministri indian vizitë në Afganistan

Kryeministri i Indisë, Manmohan Singh, sot ka arritur në Kabul, për një vizitë dyditëshe.

Pritet që ai do të diskutoj për ndihmën e Indisë për Afganistanin dhe për sigurinë rajonale.

India është njëri nga donatorët më të mëdhenjë për Afganistanin, pasi shpenzon afro 1.3 miliardë dollarë për rindërtim, nga viti 2001, kur u përmbys regjimi taliban.

India, gjithashtu ka rivalitet me Pakistanin për shkak të ndikimit në Afganistan.

India dhe Afganistani shumë herë e kanë akuzuar Pakistanin për strehim të militantëve, të cilët kanë ndërmarrë sulme në vendet e tyre.

Vizita aktuale e kryeministrit të Indisë, Manmohan Singh, është e para në gjashtë vite, ndërsa presidenti afgan, Hamid Karzai ka vizituar Indinë 10 herë që nga viti 2002.