Kryeministri kosovar, Thaçi, vizitë zyrtare në Turqi

Kryeministri turk, Rexhep Taip Erdogan, zyrtarisht sot e ka mirëpritur kryeministrin e Kosovës, Hashim Thaçi në Ankara. Vizita e Thaçit n Turqi, është e para shtetërore në nivel kryeministror që nga shpallja e pavarësisë së Kosovës. Temë kryesore e këtij takimi do të jenë marrëdhëniet dy palëshe mes dy vendeve si dhe çështjet rajonale e ndërkombëtare. Thaçi më pas do të takohet edhe me presidentin, Abdullah Gyl e krerë të tjerë të shtetit.