Kryeplaku e invalidi, ne kultivim hashashi

Pogradec- Jo vetem kryetar i fshatit, por edhe “bamires” per te varfrit dhe te pa aftet fizikisht. “Spiuni” i fshatit Hondisht, u ka rrefyer policeve te Pogradecit se “kapot” kishin mbjelle hashash ne bahcet e tyre dhe nuk kishin frike nga shteti. Por diten e marte, nje grup uniformash blu te komisariatit kane zbarkuar ne kete zone, duke zbuluar tre parcela me rreth 100 bime narkotike hashash, qe u asgjesua me korrje dhe me pas djegie me zjarr. Policia e Pogradecit tha se pronaret e dyshuar te droges jane kryeplaku i fshatit, Avni Panci, 52-vjec, Mevlan Xhika, 52-vjec, i cili u lirua pasi ishte invalid i kategorise se pare dhe Erjon Hyka, 24-vjec.
Ne vend qe te ruante fshatin dhe zbatonte detyrat e Ministrise se Brendshme e Pushtetit Lokal per te zgjedhurit vendore, kryeplaku i Hondishtit jo vetem qe ka mbjelle 25 bime kanabis sativa ne oborrin e tij, por u ka dhene edhe personave qe njihte, njeri prej te cileve invalid.
Policia tha se ne shtepine e te dyshuarit Erjon Hyka u korren 42 bime narkotike me gjatesi deri ne nje meter, kurse ne oborrin e Mevlan Xhikes, 28 rrenje kanabis po me kete gjatesi dhe qe ishin ne fazen e pjekjes. I zgjedhuri vendor, Avni Panci, dhe 24-vjecari u arrestuan ne flagrance per “kultivim te bimeve narkotike” dhe “shperdorim detyre”, kurse invalidi 52-vjecar do hetohet ne gjendje te lire. Pasi eshte marre ne pyetje, Xhika eshte kthyer ne banese, duke perfituar nga statusi qe kishte si invalid i kategorise se pare, por nuk i shpeton dot akuzes qe po hetohet nga prokuroria e Pogradecit.
Burime zyrtare te policise thane se po verifikojne personin qe ka furnizuar kryeplakun me faren e kanabis satives dhe se si perfundoi droga edhe ne bahcet e dy bashkefshatareve te tjere. Kryeplaku Panci kishte firmosur procesverbalin se ne fshatin e tij nuk ishte mbjelle hashash, por eshte kapur ne flagrance me kanabis te mbjelle ne oborrin e shtepise.
A. Qoraj

Tha se nuk kultivohej hashash, arrestohet kryeplaku nga Puka
Puke- Deklaroi se ne fshat nuk ishte kultivuar bime narkotike per kete vit, por iu zbuluan gjashte parcela me 340 rrenje kanabis sativa te mbjella ne zonen e pyllezuar. Policia e Pukes arrestoi te henen te dyshuarin Preng Vukaj, 59-vjec, kryeplak i fshatit Kcirr ne komunen Qerret. Ne vendin e quajtur lagjja “Vneze”, jane gjetur 6 parcela te mbjella me kanabis sativa, te cilat u shkulen dhe asgjesuan me zjarr nga uniformat blu. Kryeplaku Vukaj u mor nen hetim per vepren penale te “shperdorimit te detyres”, pasi kishte bere deklarim ku pohonte se nuk kishte asnje bime narkotike te kultivuar ne fshatin qe drejtonte si i zgjedhur vendor. Gjate marrjes ne pyetje 59-vjecari eshte mbrojtur duke thene se nuk kishte dijeni per keto parcela te pa regjistruara.