Kryetaret: Grevistet te lirojne sallen

Dy partite me te medha si dhe aleatet e tyre u kane bere thirrje deputeteve greviste qe te zhvendosen nga salla e seancave plenare per te kaluar ne nje ambjent me te pershtatshem per zhvillimin e protestes se tyre ekstreme.

Me nje deklarate te perbashket, e para e ketij lloji, konferenca e kryetareve te grupeve parlamentare, duke shprehur shqetesimin se greva po zhvillohet ne kushte te papranueshme edhe per shendetin e tyre, i ka ftuar deputetet greviste t’i bejne thirrje arsyes dhe pergjegjshmerise se tyre politike.

Por, perkunder shprehjes se shqetesimit per shendetin e kolegeve greviste, kryetaret e grupeve parlamentare nuk ngurrojne te perdorin ne deklaraten e perbashket edhe autoritetin qe u jep numri i deputeteve qe ata perfaqesojne, kur thone se, “procesi nuk mund te pengohet nga askush”.

Madje, kreret e grupeve parlamentare, megjithese e vleresojne greven e urise si nje mjet te sensibilizimit publik thone se, “kurrsesi ajo nuk eshte nje mjet legjitim per te shtruar presion politik, kur procesi i reformes eshte ende i hapur ne komisionin per hartimin e Kodit Elektoral”.

Duke shprehur bindjen se cdo tentative per te bllokuar funksionimin e Parlamentit, Konferenca e Kryetareve fton deputetet greviste te respektojne rregullat e  demokracise, ligjet e shtetit dhe rregulloren e Parlamentit.

Kjo deklarate e Konferences se Kryetareve duket se eshte paraprire nga nje takim i thirrur prej kryetares se Parlamentit, Jozefina Topalli me kater prej ambasadoreve me te rendesishem te Bashkimit Europian ne Tirane.

Mesohet se ne takimin e zonjes Topalli me ambasadoret europiane kane qene te pranishem per diskutimin e situates se krijuar edhe perfaqesues te larte te grupit parlamentar te Partise Socialiste.