Kryetari i Bashkisë, Lulzim Basha inspekton Brrakën, premton shtimin e hapësirave të gjelbra dhe vendparkim për automjetet

Bashkia e Tiranës kthen vëmendjen nga Brraka, një bllok banimi në zemër të Tiranës. Bllok në zemër të Tiranës, e cila përbëhet nga ndërtesa të reja e të vjetra. Por që ndan pavarësisht nga mosha e banesave, mungesë infrastrukture për banorët.

Gjelbërimi do të shtohet me mbi 60 stola pushimi për 5000 banorët e këtij blloku, si dhe vendparkim për automjetet por dhe disa vendqëndrime për bicikletat në kuadër të iniciativës së bashkisë së Tiranës për ta bërë këtë mjet sa më të përdorshëm.
Ky rikualifikim urban, i pari për këtë vit, i paraprin shumë veprave të ngjashme u shpreh kryebashkiaku Basha.

Rikualifikimi urban i bllokut 46, me një sipërfaqje prej 2.4 ha kushton rreth 47.4 mln lekë dhe do të përfundojë brenda 8 muajve.