Kryetarja e Kuvendit takim me përfaqësuesen e PNUD-it për Shqipërinë Gulden Turkoz-Cosslett.

Kryetarja e Kuvendit priti sot në një takim të veçantë përfaqësuesen e PNUD-it për Shqipërinë, zonjën Gulden Turkoz-Cosslett, në prag të përfundimit të mandatit të saj në Shqipëri.

Gjatë këtyre viteve, zonja Turkoz-Cosslett dhe Kryetarja e Kuvendit kanë pasur një bashkëpunim të vijueshëm, veçanërisht për çështje të luftës kundër dhunës në familje dhe mbrojtjes së fëmijëve.

Për zonjën Turkoz-Cosslett bashkëpunimi i hapur me qeverinë dhe parlamentin shqiptar e ka bërë shumë të frytshme, punën e saj.

Ajo falenderoi Kryetaren e Kuvendit për gjithë angazhimin dhe mbështetjen e dhënë në këto çështje thelbësore por edhe në projektje të tjera në bashkëpunim me përfaqësinë e Kombeve të Bashkuara.

Për Kryetaren e e Kuvendit, kontributi dhe angazhimin personal i zonjës Turkoz-Cosslett mbetet shumë i çmuar për Shqipërinë dhe familjen shqiptare, ndërsa i bëri asaj urimet më të sinqerta për karrierën dhe familjen.

Kryetarja e Kuvendit, duke folur për studimin e "Newsweek", i cili e rendit Shqipërinë në vendin e 57, ndër 100 vendet më të mira për të jetuar, tha se Parlamenti i Shqipërisë ka bërë një punë intensive, ku vetëm këtë vit janë miratuar mbi 250 ligje e vendime, pjesë e refomave të mëdha.
Pjesë e rëndësishme e legjislacionit kanë qenë shumë ligje, por edhe fushata sensibilizuese në përkrahje të familjes, grave e fëmijëve.

Konkretisht, një projektligji i ri kundër dhunës në familje pritet të miratohet dhe Kryetarja e Kuvendit tha se ai do të futet menjëherë në kalendarin e punimeve të parlamentit si një prioritet.

Zonja Turkoz-Cosslett do të vijojë misionin e saj në New York pranë Kombeve të Bashkuara. Ajo shprehu kënaqësinë të vijojë bashkëpunimin me Kryetaren e Kuvendit dhe parlamentin shqiptar në sfida, të cilat tashmë zonja Jozefina Topalli i ka kthyer në beteja të saj; lufta ndaj dhunës në familje, lufta ndaj kancerit dhe mbrojtja e fëmijëve.

Më shumë nga Zyrtare