Kubani bën cigaren 70 metra të gjata

Një kuban ka nisur të bëjë një puro kubane të gjatë 70 metra, me të cilën do të përpiqet të thyejë rekordin e tij të mëparshëm Guinness.
Jose Castelar, në maj të vitit 2009 hyri në librin e rekordeve Guinnes për herë të katërt, duke bërë cigaren 43.38 metra të gjatë.
Castelar kalon 9 orë në ditë duke bërë cigaren, dhe shpreson të përfundojë punën në 3 maj, për ta prezantuar në Panairin Ndërkombëtar të turizmit.

“Castelar ka thënë se derisa është gjallë, rekordi i Guinnessit duhet të mbetet në Kubë”, ka thënë zëdhënësi i prodhuesve kubanë të cigareve, Amado de la Rosa.

Para dy viteve, kur theu rekordin e tij të katërt botëror, Castelar deklaroi se do të ndërpresë garën e tij për rekorde vetëm kur të arrijë të prodhojë cigaren 10 kilometra të gjatë.