Kufiri me Maqedonine, Prishtina merr masa

Pamjet e transmetuara nga Top Channel diten e marte, ku shqiptare te zones kufitare mes Kosoves dhe Maqedonise shkulnin piramidat e kufirit, shkaktuan reagime ne Prishtine.

Te enjten eshte parashikuar mbledhja urgjente e komisionit qeveritar per demarkacionin e kufirit, ku pritet te analizohet kjo ngjarje e rende.

“Per kete qellim ne kemi parashikuar takimin e neserm me banoret dhe udheheqjen komunale, per te degjuar pretendimet e tyre. Te gjithe jemi te interesuar qe kjo ceshtje te zgjidhet me sukses. Duhet te gjejme zgjidhjen e mundshme, pasi kufiri do te jete i vlefshem per te dyja palet, perfshire Maqedonine”, ka dekalruar Murat Meha, zevendeskryetar i komisionit.

Ndersa gjenerali Behar Selimi eshte shprehur se paraqitja e personave te armatosur ne zonen kufitare nuk perben nje shqetesim. Sipas tij, nuk ka rrezik qe situata te degjeneroje ne dhune.

“Nuk mendoj se do krijohet nje situate ku dikush do ta shprehe pakenaqesine me force. Atje duhet te jene forcat e policise dhe te KFOR-it qe duhet te jene te armatosur. Per momentin nuk eshte konsideruar ne aspektin e sigurise per te pasur trupa aty. Ne ditet e ardhshme ne do te bisedojme me personat e pakenaqur qe perfaqesojne fshatin dhe do te merremi me kete ceshtje edhe si institucion”, ka theksuar Selimi.