Kukës, plagoset me armë një 27-vjeçar

Policia bëri me dije se ngjarja ndodhi në vendin e quajtur “Bjeshkët e Çajës”, komuna Grykë-Çajë, ku është plagosur me armë zjarri shtetasi B. Matraxhi, 27-vjeç, lindur e banues po në këtë fshat.

I riu është transportuar me helikopter në Spitalin Ushtarak Tiranë dhe aktualisht është jashtë rrezikut për jetën.

Shërbimet e Drejtorisë Policisë së Qarkut Kukës, në bashkëpunim me shërbimet e Drejtorisë së Policisë së Qarkut Dibër, kane bere te mundur identifikimin e autoreve të dyshuar të kësaj ngjarje dhe po punohet për kapjen e tyre.

Gjithashtu në bashkëpunim me Prokurorinë e Rrethit Gjyqësor Kukës, po punohet për dokumentimin e plote të kësaj ngjarje. Shkak i kësaj ngjarje, dyshohet se ka qenë një konflikt i vjetër pronësie. /Start/

                                                                                             2012-07-26 18:09