Kuli: Shefat qe perfshihen ne fushate, pushohen nga puna

Drejtoresha e Qendres Spitalore Universitare "Nene Tereza", Gjeorgjina Kuli ka paralajmeruar pushim nga puna, per shefat e sherbimeve qe do te perdorin institucionet shendetesore, per te bere fushate per subjektet politike. Me tone te ashpra, Gjeorgjina Kuli iu drejtohet subjekteve politike te cilat jo vetem, sipas saj, po hedhin akuza per arritjet e shendetesise shqiptare ne keto vite, por perdorin institucionet shendetesore per qellime politike. "Per fushate nuk do te lejohet asnje perfaqesues. Ne qofte se do te kete rast perserites, per kedo force politike, shefat do te pushohen nga puna. Ne qofte se vjen ministrja e Shendetesise dhe ben fushate per PR, do te jem une e para qe do ta nxjerr perjashta. Ne qofte se vjen te inauguroje dhe te ndihmoje te semuret, ajo eshte funksionare ne fuqi", tha drejtoresha e Qendres Spitalore Universitare "Nene Tereza", Gjeorgjina Kuli. Kjo e fundit ka hedhur akuza dhe ndaj personelit shendetesor, te cilet nuk jane te informuar per reformen ne shendetesi, qe sipas saj, tashme po tregon rezultatet e para. "Me vjen shume keq qe jane te dezinformuar, jo popullata me te drejte, por shefat e sherbimit te Qendres Spitalore Universitare, te cilet me sa duket jane shume me teper te impenjuar ne aktivitetet e tyre private, se sa ne aktivitetin hospitalor dhe nuk kane marre informacion ashtu sic duhet, se ku shkojne dhe ku derdhen leket e ISKSH" tha Kuli. Drejtoresha e QSUT-se, i beri keto deklarata pas vizitave te forcave te ndryshme politike ne ambientet e QSUT-se, te cilat sipas saj kane bere fushate pa marre nje leje.