Kunder zgjedhjeve serbe, por pa plane veprimi

Edona Peci
Pavaresisht deklarimeve te faktorit vendor e nderkombetar se nuk do te njihen rezultatet e zgjedhjeve te jashtezakonshme te Serbise, te mbajtura ne Kosove, ky proces pritet te zhvillohet kete te diel ne dy komuna ne vend. Pervec komunes se Novoberdes, qytetaret serbe thuhet se do te mund ta hedhin voten e tyre ne 26 qendra votimi ne pjesen veriore te Kosoves, ku Prishtina zyrtare vazhdon te kete telashe per ta shtrire autoritetin shteteror. Megjithate, mekanizmat kosovare e nderkombetare te sigurise nuk kane pergatitur plane speciale operative lidhur me mbajtjen nen kontroll te situates se sigurise gjate ecurise se procesit elektoral serb. Zedhenesi i Policise rajonale ne Mitrovice, Besim Hoti, mohon qe Policia e Kosoves te kete pergatitur ndonje plan te vecante lidhur me kete ngjarje. "E diela do te kuptohet si nje dite e rregullt e punes, me orar te rregullt te punes te zyrtareve te policise. Nuk ka asnje operacion te vecante qe lidhet drejtperdrejt me zgjedhjet. Por, sigurisht qe masat e sigurise do te perqendrohen kryesisht ne orarin kur eshte paralajmeruar te mbahet protesta ne qender te qytetit, ne jug te Mitrovices, por edhe disa ngjarje te tjera, te cilat zgjojne interes te publikut", thote Hoti.
Misioni i Bashkimit Evropian per sundimin e ligjit thuhet se do te mbikeqyre gjendjen e sigurise ne veri te Kosoves. Zedhenesi i EULEX-it, Hans Kristian Klasing, thote se misioni evropian nuk mund t'i komentoje planet eventuale operative per procese te caktuara. "Ne cdo rast, kur behet fjale per sigurine, Policia e Kosoves eshte pergjegjese ne rend te pare. Natyrisht, ne do ta mbikeqyrim situaten, mirepo nuk mund te komentojme asnje pergatitje, e asnje plan qe mund te nderlidhej me kete", thekson Klasing.
Ne gjendje gatishmerie, por pa plan te caktuar veprimi dhe pa shtuar pranine e pjesetareve te vet ne veri, duket se do te jete edhe misioni ushtarak i NATO-s ne Kosove. Zedhenesi i KFOR-it, Mihael Keting, shpjegon: "Ne ritheksojme perkushtimin tone per te penguar cfaredo dhune apo trazire sociale. Ne kuader te mandatit tone, ne do t'i ndermarrim te gjitha veprimet e nevojshme per te mbajtur nje ambient te qete e te sigurt dhe per te garantuar lirine e levizjes neser".
Nje tjeter skenar si reagim ndaj zhvillimit te zgjedhjeve lokale serbe ne territorin e Kosoves, e kane pergatitur perfaqesues te tri organizatave te dala nga lufta, te cilat te dielen pritet te protestojne ne jug te Mitrovices per ruajtjen e sovranitetit te Kosoves.
Nje organizate tjeter joqeveritare ne Prishtine, Klubi per Politike te Jashtme, shpreh shqetesimin e vet lidhur me zhvillimin e zgjedhjeve serbe ne Kosove. Anetari i kesaj organizate, Yll Hoxha, thote se permes ketyre zgjedhjeve po betonohet ndarja, sic tha ai, reale e Kosoves. "Keto do ta betonojne per me tutje nje gjendje te ndarjes reale qe ekziston ne Kosove dhe rreziku eshte qe me kete ndarje reale, Kosova po futet ne nje proces, i cili dita-dites po paralajmerohet shume me shume, e ai eshte bisedimet ne mes te Kosoves dhe Serbise. Keto nenkuptojne padyshim bisedimet edhe per statusin e veriut te Kosoves", thekson Hoxha.
Gjendja ne veri te Mitrovices dhe ndikimi i Beogradit zyrtar mbi ate pjese te vendit, kishte nxitur Qeverine e Kosoves dhe Zyren Civile Nderkombetare ne Kosove te hartoje nje strategji per ta kthyer veriun nen autoritetin shteteror te Kosoves. Mirepo, distancimi i EULEX-it, KFOR-it dhe Bashkimit Evropian nga dokumenti ne fjale, sipas Hoxhes, ka ndikuar ne, sic e quan ai, vdekjen e kesaj strategjie. REL