Kundershtohet feja ne shkolla

Mësimdhënësit e gjimnazit “Sami Frashëri” në Prishtinë shprehen kundër futjes së lëndës “Edukata Fetare dhe morale” në shkollat shqipe.

Ky qëndrim vjen pak ditë para se ligji për arsimin parauniversitar të diskutohet në Kuvend i cili përmban edhe dy nenet e propozuara nga Partia e Drejtësisë për futjen e lëndës fetare në shkollat fillore dhe të mesme.

Deputeti i Partisë së Drejtësisë jeton Svirca beson se lënda fetare në shkollat.

“Shkollat fillore dhe të mesme është e domosdoshme sepse të rinjtë kosovarë kanë nevojë të edukohen në atë mënyrë që të largohen nga fenomenent negative siç janë droga prostitucioni etj”, është shprehur Jeton Svirca, deptuet i Partisë së Drejtësisë në Kuvendin e Kosovës.

E teksa deputeti Svirca thotë se janë siguruar nënshkrimet për miratimin e këtij ligji, profesori Hamdi Thaçi paralajmëron reagime të ashpëra nëse kjo gjë ndodhë.

Në fakt, këto ndryshime në ligjin për arsimin parauniversitar vijnë si pasojë e kompromisit politik mes partisë së kryeministrit Hashim Thaçi dhe Partisë së Drejtësisë e cila vetëm pas garancive se këto ndryshime do të bëhen pranoi të hyjë në koalicion qeverisës.

Ndaj kësaj çështje nuk ka qëndruar indiferente kisha katolike e Kosovës. Në një komunikatë ajo ka vlerësuar se edukata fetare duhet të bëhet në kisha e xhamia, ndërkaq mësimi mbi fetë, tolerancën dhe bashkë jetesën ndërfetare mund të jetë në kuadër të arsimit publik.