Kuotat bosh shpallen 400 fituesit e rinj

Shpallen fituesit e fazes se peste te regjistrimeve ne shkollat e larta. Jane rreth 400 kandidate qe tashme do te mund te ulen ne auditore. Ministria e Arsimit publikoi dje nje liste tjeter me emrat e kandidateve qe kane plotesuar Formularin A3 dhe do te pranohen ne shkollat e larta pas kuotave te mbetura bosh. Ata do te kene 5 dite kohe per tu regjistruar prane sekretarive te fakulteteve. Lista me emrat e fituesve eshte publike ne faqen zyrtare te Ministrise se Arsimit. Nga sa pohon vete Ministria e Arsimit fituesit jane shpallur sipas parimit te merite- preferences. Perzgjedhja e tyre eshte bere ne menyre elektronike duke u bazuar mbi piket qe ata kane grumbulluar nga matura por edhe preferencave te perzgjedhura ne Formularin A3. Matura Shteterore pas nje vendimi te pak koheve me pare te marre nga qeveria ka ndryshuar rrenjesisht. Nga viti qe vjen cdo nxenes per te marre diplomen e pjekurise nuk do te mjaftohet vetem me provimet e detyruara. Do te jete kusht qe bashke me to te jepen edhe provimet me zgjedhje. Me te pritet qe te veshtiresohet jo pak procesi i Matures Shteterore 2011 parauniversitar dhe pranimet ne shkollat e larta. Gjithashtu eshte vendosur qe rregulli i ri te aplikohet edhe per te gjitha ato kategori nxenesish te cilet perjashtoheshin nga dhenia e provimeve me zgjedhje. Tashme do te plotesojne te njejtat kushte edhe ata maturante qe do te konkurrojne ne Universitetin e Sporteve Akademine e Arteve dhe ne Fakultetin e Edukimit Fizik dhe Sporteve ne Universitetin Luigj Gurakuqi Shkoder.