Kushtetuesja rikthen Basheskun
Gjykata Kushtetuese e Rumanisë e ka cilësuar si të pavlefshëm referendumin për rrëzimin e presidentit Trajan Bashesku.
Verdikti e kthen në detyrë Basheskun, i cili u pezullua nga parlamenti më 6 korrik.
Për vendimin e gjykatës, të shpallur të martën kanë votuar 6, kundrejt tre gjykatësve, që kanë qenë kundër.
Koalicioni qeverisës në Rumani, i udhëhequr nga kryeministri Viktor Ponta, në muajin e kaluar u përpoq që ta rrëzojë Basheskun e qendrës së djathtë përmes referendumit të 29 korrikut, i cili dështoi pasi pjesëmarrja e votuesve nuk ishte 50 për qind.
Pothuajse 90 për qind e atyre që kanë votuar mbështetën rrëzimin e Basheskut.
Megjithatë, koalicioni qeverisës kontestoi vërtetësine e regjistrave zgjedhorë dhe detyroi gjykatën e lartë të marrë vendim për vlefshmërinë e referendumit.
Referendumi është përcjellë me raportet për mashtrime të shumta zgjedhore nga autorietet në pushtet.
Bashesku është zgjedhur për një mandat të dytë pesëvjeçar në vitin 2009.