Kutitë, Berisha: Opozita t'i drejtohet Komisionit të Venecias

Kryeministri i Shqipërisë Sali Berisha e konsideroi deklaratën e djeshme të Asamblesë Parlamentare të Këshillit të Europës mbi gjendjen aktuale politike në Shqipëri, si plotësisht koherente.
Ndërsa po merrte pjesë në një ceremoni në Bibliotekën Kombëtare, kreu i Qeverisë Berisha tha se maxhoranca shqiptare është plotësisht dakord me sugjerimet dhe rekomandimet e bëra nga APKiE.
"Opozita duhet ti drejtohet institucioneve, Gjykatës Kushtetuese dhe Komisionit të Venecias për pretendimet që ka", tha Berisha. Ai shtoi se ekzistojnë hapësirat ligjore për zgjidhjen e situatës politike në vend.