Kuvend, kërkohet zbatimi i Kushtetutës në mbarë vendin
PRISHTINE-Kuvendi i Kosovës po debaton sot në lidhje me zbatimin e Kushtetutës dhe praninë e strukturave të pushtetit të Serbisë në territorin e Republikës së Kosovës.
Propozuesi i kësaj pike të rendit të ditës, kryetari i Lidhjes Demokratike të Dardanisë, Nexhat Daci, tha se tashmë është momenti kur institucionet e Kosovës duhet ta thonë fjalën e vet në lidhje me zbatimin e Kushtetutës në gjithë territorin e vendit.
“Kosova po zvogëlohet nga aspekti territorial. Në një pjesë të madhe të territorit të Kosovës, shteti ynë fqinj ushtron të vetmin rol të pushtetit në Kosovë, me praninë e të gjitha dikastereve të Qeverisë së Serbisë”, tha Daci.
Deputeti Nexhat Daci tha se mbajtja e pakontrolluar e kufirit në veri dhe funksionimi i strukturave paralele po i kushtojnë miliona euro buxhetit të Kosovës.
Në emër të Qeverisë, kryeministri Hashim Thaçi prezantoi planet e parapara për shtrirjen e pushtetit në veri, përmes zbatimit të strategjisë për integrimin e kësaj pjese.
Ai e siguroi Kuvendin se Qeveria tashmë është e gatshme të fillojë shtrirjen e pushtetit në veri, për t’i dhënë fund, siç tha kryeministri, kaosit 10-vjeçar atje.
Thaçi përjashtoi përdorimin e dhunës si mjet për zgjidhjen e problemeve ekzistuese në veri, kurse mbështeti një shtrirje edhe më të gjerë të pranisë ndërkombëtare atje.
“Si kryeministër i Kosovës, dua të theksoj se Qeveria është përfundimisht e vendosur për shtrirje institucionale dhe kujdes institucional në veri”.
“Strategjia për veriun është e bazuar në katër fusha kryesore: fuqizimi i sundimit të ligjit, decentralizimi apo reformimi i pushtetit lokal dhe themelimi i komunës së Mitrovicës së veriut, adresimi i qeverisjes në tri komunat e veriut, në Leposavic, Zubin Potok e Zveçan, dhe përmirësimi i situatës socio-ekonomike në këtë pjesë të territorit të Republikës së Kosovës”, tha Thaçi.
Parashtruesi i kërkesës për debat, LDD-ja, kërkoi që ky debat parlamentar të rezultojë në fund me miratimin e një rezolute, me të cilën do t’i kërkohej Qeverisë dhe institucioneve të tjera relevante të zbatojnë Kushtetutën në gjithë territorin e Kosovës dhe të pamundësojnë funksionimin e mëtutjeshëm të strukturave të pushtetit të Serbisë në Kosovë.
(d.b/BalkanWeb)
Propozuesi i kësaj pike të rendit të ditës, kryetari i Lidhjes Demokratike të Dardanisë, Nexhat Daci, tha se tashmë është momenti kur institucionet e Kosovës duhet ta thonë fjalën e vet në lidhje me zbatimin e Kushtetutës në gjithë territorin e vendit.
“Kosova po zvogëlohet nga aspekti territorial. Në një pjesë të madhe të territorit të Kosovës, shteti ynë fqinj ushtron të vetmin rol të pushtetit në Kosovë, me praninë e të gjitha dikastereve të Qeverisë së Serbisë”, tha Daci.
Deputeti Nexhat Daci tha se mbajtja e pakontrolluar e kufirit në veri dhe funksionimi i strukturave paralele po i kushtojnë miliona euro buxhetit të Kosovës.
Në emër të Qeverisë, kryeministri Hashim Thaçi prezantoi planet e parapara për shtrirjen e pushtetit në veri, përmes zbatimit të strategjisë për integrimin e kësaj pjese.
Ai e siguroi Kuvendin se Qeveria tashmë është e gatshme të fillojë shtrirjen e pushtetit në veri, për t’i dhënë fund, siç tha kryeministri, kaosit 10-vjeçar atje.
Thaçi përjashtoi përdorimin e dhunës si mjet për zgjidhjen e problemeve ekzistuese në veri, kurse mbështeti një shtrirje edhe më të gjerë të pranisë ndërkombëtare atje.
“Si kryeministër i Kosovës, dua të theksoj se Qeveria është përfundimisht e vendosur për shtrirje institucionale dhe kujdes institucional në veri”.
“Strategjia për veriun është e bazuar në katër fusha kryesore: fuqizimi i sundimit të ligjit, decentralizimi apo reformimi i pushtetit lokal dhe themelimi i komunës së Mitrovicës së veriut, adresimi i qeverisjes në tri komunat e veriut, në Leposavic, Zubin Potok e Zveçan, dhe përmirësimi i situatës socio-ekonomike në këtë pjesë të territorit të Republikës së Kosovës”, tha Thaçi.
Parashtruesi i kërkesës për debat, LDD-ja, kërkoi që ky debat parlamentar të rezultojë në fund me miratimin e një rezolute, me të cilën do t’i kërkohej Qeverisë dhe institucioneve të tjera relevante të zbatojnë Kushtetutën në gjithë territorin e Kosovës dhe të pamundësojnë funksionimin e mëtutjeshëm të strukturave të pushtetit të Serbisë në Kosovë.
(d.b/BalkanWeb)