Kuvendi i Shqiperise, me tre grupe parlamentare

Kuvendi i ri pritet te kete vetem tre grupe parlamentare. Ndryshe nga cdo legjislature tjeter, ku grupet parlamentare kane qene te shumte ne numer, ne kete legjislature pritet te tkurren deri ne tre te tille. Te sigurte jane grupet parlamentare te Partise Demokratike dhe Partise Socialiste, te cilet kane numrin e deputeteve te mjaftueshem, per te krijuar nje grup parlamentar. Por pritet qe edhe Levizja Socialiste per Integrim, tashme pjese e qeverise, ndonese me kater deputete, te krijoje nje grup parlamentar. Ashtu sic ka ndodhur dhe ne legjislaturat e tjera, partite brenda koalicionit, fare mire mund te huazojne deputete nga partia me e madhe e koalicionit, ne kete rast PD. Kjo per faktin se per te krijuar nje grup parlamentar, ne baze te rregullores se Kuvendit, duhet te pakten 7 deputete. Keshtu, ndonese LSI ka vetem kater deputete, fare mire mund te huazoje tre deputete te Partise Demokratike per te formuar grupin parlamentar. Pa grup do te mbeten partite e tjera politike qe perfaqesohen ne Kuvend, si PR, PDI dhe PBDNJ. Kjo per faktin e vetem sepse keto forca politike, perfaqesohen ne Kuvend, vetem me nje deputet. Sado bujare qe do te mund te tregohej qofte PD apo PS ne rastin e PBDNJ-se, per t'i ndihmuar me deputete te dhene "hua", do te ishte e pamundur, pasi me gjashte deputete te nje force tjeter politike, nuk do te mund te quhej me grupi i PR, PDI apo edhe PBDNJ. Percaktimi i grupeve parlamentare, pritet te behet javen e ardhshme, pas formimit edhe te qeverise se re. Me kryerjen e ketyre procedurave te rendesishme, Kuvendi mund te hyje ne rrjedhe normale te punes, me ngritjen e komisioneve parlamentare si dhe percaktimin e rendit te dites e shqyrtimin e projektligjeve.