Kuvendi rrethohet nga efektivë dhe protestues / Deputetët mundohen ti shmangen përplasjeve

Pritet të nisë pas pak seanca plenare në Kuvend.
Ndërkohë që Parlamenti është rrethuar me forca sigurie dhe protestues, deputetja Marjana Koçeku shihet duke lëvizur në këmbë.

Ndërkohë shumica e deputetëve kanë shkuar me automjete deri pranë hyrjes së Kuvendit, duke shmangur kështu përplasjen me protestuesit.

Kuvendi do të zhvillojë sot seancën plenare, ku në rendin e ditës janë parashikuar disa interpelanca urgjente të kërkuara nga deputetët e Grupit Parlamentar të Partisë Demokratike, si edhe shqyrtimi dhe votimi i disa projektligjeve dhe projektvendimeve.