LETËRSI – Alice Munro, fituese e çmimit “Nobel” vdes në moshën 92-vjeçare

TIRANË, 14 maj /ATSH/-  Shkrimtarja kanadeze Alice Munro, fituese e çmimit “Nobel” për Letërsi në vitin 2013, ka vdekur në moshën 92-vjeçare, sipas “La Repubblica”.

Munro, e cila vuante nga demenca për të paktën një dekadë, ka botuar mbi dhjetëra koleksione me tregime të shkurtra.

Shkrimtarja vdiq në shtëpinë e saj në Port Hope, Ontario. Ajo lindi në Wingham, Ontario më 10 korrik 1931.

Munro ishte e para kanadeze që fitoi çmimin “Nobel” dhe e para që u citua ekskluzivisht për tregimet e shkurtra.

Në motivacion, Akademia Suedeze e përkufizoi atë si një “mjeshtre të tregimit të shkurtër bashkëkohor”, e aftë “për të mbyllur të gjithë kompleksitetin epik të romanit në vetëm disa faqe”.

Tregimet e saj trajtonin tema të seksit, dëshirës, ​​pakënaqësisë, plakjes, konfliktit moral dhe tema të tjera në mjediset rurale.

Tregimi i saj i parë daton në vitin 1950 kur ajo ishte studente në Universitetin e Ontarios Perëndimore, i titulluar “The Dimension of Shadow” (Dimensioni i hijes).

Munro botoi koleksionin e saj të parë te tregimeve “The Dance of Happy Shadows” në vitin 1968.

Përveç çmimit “Nobel” për Letërsi , ajo gjithashtu fitoi çmimin “Man Booker”. //a.i/