LSI do te respektoje marreveshjen politike per bashkeqeverisje me PD

Lëvizja Socialiste për Integrim mund të kandidojë kryetarin e saj Ilir Meta, për postin e Presidentit të ardhshëm të Republikës. Sekretari i Përgjithshëm i LSI-së, Luan Rama, i pyetur nga mediat nëse ekziston mundësia e përfshirjes së zotit Meta në garën presidenciale iu përgjigj shkrut me pohimin “pse jo”.
Zyrtari i lartë i LSI-së tha se forca politike që përfaqëson do të respektojë deri në fund marrëveshjen politike me Partinë Demokratike për bashkëqeverisjen e vendit deri në vitin 2013.
Sekretari i Përgjithshëm i LSI-së kërkoi nga partitë politike që të angazhohen më shumë në funksion të përmbushjes së reformave të rëndësishme, të cilat do të afronin më shumë vendit me Bashkimin Europian.