LSI, Prifti: Greva për të mbrojtur votën shqiptarëve

Dhjetëra simpatizantë të LSI dhe PDK ishin vendosur sot paradite përballë godinës së parlamentit, në anën tjetër të rrugës, në mbështetje të deputetëve grevistë. Prifti: Greva e drejtë, po mbrohet vota që duan të vjedhin Rama dhe Berisha. 

TIRANE- Zv kryetari i LSI-së Dritan Prifti është penguar nga gardistët të hyjë të Kuvendin e Shqipërisë për të takuar deputetët që kanë nisur grevën e urisë ditën e djeshme. Ai akuzoi gardën se po izolon totalisht deputetët grevistë të cilët po mbrojnë të drejtën themeltare të shqiptarëve atë të votës. “Rama dhe Berisha u thotë shqiptarëve ju nuk keni të drejtë ta zgjidhni kryeatin e shtetit tuaj, kryetarin e qeverisë tuaj, sepse ne jemi në komisionet zgjedhore, ne do të jemi aty ku numërohen votat, dhe do ta zgjidhin ne se kush do ta drejtojë këtë vend”- tha Prifti përpara godinës së Parlamentit. Ndërkohë në anën tjetër të rrugës përballë godinës së Parlamentit qindra simpatizantë të LSI dhe PDK-së protestonin në mbështetje të deputetëve grevistë. Forca policia janë në gadishmëri dhe nuk lejojnë protestuesit tu afrohen godinës së Parlamentit.

11 deputetë e ngujuar në godinën e Parlamenti janë Ilir Meta, Pëllumb Xhufi, Ndre Legisi, Petro Koçi, Nikollaq Neranxi, Spartak Braho, Nard Ndoka, Ndue Shpani, Ymer Tola, Jak Ndokaj dhe Frrok Gjini.

(s.g/BalkanWeb)