LSI i kerkon Berishes, pakete anti-krize ekonomike

Levizja Socialiste per Integrim ve alarmin per perkeqesimin e gjendjes ekonomike ne vend. Nenkryetarja e kesaj partie, Filloreta Kodra, tha dje se ekonomia ne vend sa vjen e po rendohet dhe qeveria nuk po merr asnje mase per te parandaluar kolapsin ekonomik. "Gjendja e rende ekonomike e qytetareve shqiptare, duket qarte ne rritjen e pandalshme te cmimeve", tha Kodra, duke permendur rritjen e nje sere produkteve qe perdoren me shume nga konsumatori shqiptar. Sipas saj, vendi po perballet per dite e me shume me rritjen e pakontrolluar te cmimeve, te produkteve me te domosdoshme e jetesore per qytetaret. Rritje qe sipas Kodres, ndikon direkt ne uljen e nivelit te jeteses, ne menyre te vecante tek shtresat me te varfra qe jane plotesisht te pambrojtura nga kjo rritje e cmimeve. "Qeveria qe erdhi ne pushtet me premtimin e duarve te pastra, insiston ne subvencionimin e KESH, me gjithe paralajmerimet e FMN per nderprerjen e menjehershme te ketyre praktikave. Me kete politike, kjo Qeveri qe nuk do te luftoje korrupsionin, u merr dyfish cmimin e energjise shqiptareve te ndershem qe respektojne ligjin dhe paguajne taksa", akuzoi Kodra. Sipas saj, ka ardhur koha qe shqiptaret te hapin syte e mos mashtrohen me, por te ndahen nje here e mire me kete qeveri dhe kryeminister te papergjegjshem qe pranoi publikisht, se premtimet elektorale nuk jane detyrime per qeverisjen e tij. R. R.