La Liga, Barcelona vuan ndaj Malagas, por merr tri pikë

Barcelona pa Mesin ka vuajtur jo pak ndaj Malagas për të marrë tri pikë. Ndryshe nga java e parë, ku katalanasit shënuan 7 gola ndaj Levantes, në transfetën e Malagas ka mjaftuar goli i Adrianos në fundin e pjesës së parë. Në pjesën e dytë ka hyrë në fushë edhe Nejmar, por pa shënuar gol. Baecelona për pak mund ta kishte pësuar në fund, por vetëm shtylla e ka ndalur. Ndërkohë Atletiko e Madridit ka bërë detyrën ndaj Vajekanos, duke fituar thellë 5-0 dhe vetëm 1 gol i pësuar e rendit i dyti pas Barcelonës, që gjithsesi, janë me nga 6 pikë në krye. Po gjashtë pikë kanë edhe Bilbao dhe Vilareal.
Sot do të luhet ndeshja e fundit e javës së dytë, ajo mes Granadas dhe Realit të Madridit. Madrilenët kurrsesi nuk kërkojnë të humbin terren, pasi e dinë mirë që cdo hap fals do të rrezikonte titullin më pas. (E.Ilnica/BalkanWeb)

Java e dytë e La Ligës
Getafe – Almeria                2-2
Bilbao – Osasuna              2-0
Elke – Sociedad                 1-1
Espanjol – Valencia            3-1
Vilareal – Valadolid             2-1
Atletiko M – Vajekano         5-0
Levante – Sevilia                0-0
Malaga – Barcelona           0-1
Betis – Selta Vigo              0-0

Të hënën
Granada – Real Madrid     21:00