Laç, vritet në atentat 25-vjeçari i sapo dalë nga burgu, plagoset shoku i tij
Foto ilustruese
Një i ri ka rënë pre e një atentati me armë zjarri sapo ka dal nga burgu. Ngjarja ka ndodhur sot rreth orës 20:10 pranë shkollës së Sanxhakut, Laç, ndërsa një person ende I paidentifikuar nga policia ka hapur zjarr në drejtim të dy të rinjve. Paraprakisht mësohet se 25-vjeçari Besart Ndreu ka ndërruar jetë në spitalin ushtarak në kryeqytet, ndërsa shoku i tij, 22-vjeçari Klenti Bajrkatari ndodhet nën kujdesin mjekësorë.
Sipas policisë, dyshohet se viktima ka qenë shënjestra e atentatit. Ndreu gëzonte sot ditën e parë të lirisë, pasi kishte dalë nga burgu, ku vuante dënimin për plagosje.
Policia ndërkaq ka nisur hetimet për ngjarjen dhe për identifikimin e kapjen e autorit të atentatit. Mësohet se hetimet janë përqendruar në pistën e hakmarrjes.
29 prill 2013 (gazeta-Shqip.com)
Laç, vritet në atentat 25-vjeçari i sapo dalë nga burgu, plagoset shoku i tij burimi: Gazeta S H Q I P Gazeta SHQIP Abonohuni me Email