"Lajthitjet" e motit, pasoje e ngrohjes globale

Duket se moti po luan shume me ne gjate ketyre viteve te fundit. Tashme, gjithkush po ve re se edhe stinet jane pakesuar, nga kater ato tani duket se jane bere vetem dy, dimer dhe vere. Debore aty ku nuk ka rene kurre, apo thatesire ne vende ku reshjet jane karakteristike, jo vetem ne vjeshte dhe dimer por edhe ne vere. Keto jane kapricot e motit si pasoje e ngrohjes globale. "Keto ndryshime jane vene re fillimisht ne vendet e tjera si Spanja dhe Portugalia, por tashme edhe Mesdheu po perballet me keto situata. Pavaresisht se ne vazhdojme t'i kemi te katerta stinet, pranvera dhe vera jane shume te shkurtra, nderkohe qe dy te tjerat jane teper te gjata dhe me temperatura sa minimale ashtu edhe maksimale", ka pohuar meterologia, Tanja Porja nga Meteoalb. Fenomene qe meteorologet i quajne ngjarje ekstreme te paparashikueshme. Te tilla e kane goditur shume pellgun e Mesdheut gjate stines se dimrit, ndersa do te kete edhe cudi te tjera gjate veres, e cila pritet te jete teper e nxehte. Sinoptikanet shpjegojne se si pasoje e ndryshimeve klimatike, dimri qe sapo kaluam ishte i ngrohte e ndersa ne disa dite kur mendohej se pranvera po afronte, vendi yne u izolua nga debora e dendur.