Largohet nëse eliminohet Bayern?

Uli Hoeness, president i Bayern Munchen, është rikthyer të flasë për të ardhmen e Franck Ribery, i cili nuk është i sigurt nëse do të mbetet te klubi bavarez edhe sezonin e ardhshëm.

“Nëse humbim 3:0 nga Fiorentina në ndeshjen e kthimit të së tetës së finales së Ligës së Kampionëve, nuk mendoj se Franck do të mbetet më këtu...”, tha Hoeness për France Football.

Muajt e kaluar, Ribery kishte thënë se qëndrimi eventual te Bayern varet nga sukseset evropiane të klubit gjerman, veçanërisht në Ligën e Kampionëve.