Lavrov akuza Ukrainës: Po pengojnë eksportet e grurit

“Ukraina po vonon eksportet e grurit duke mos hequr minat nga portet e saj të Detit të Zi”, kështu ka deklaruar ministri i Jashtëm rus, Sergei Lavrov, ndërsa akuzon gjithashtu Kievin për “retorikë militariste”.

Lavrov tha se zhbllokimi i porteve, në mënyrë që anijet e huaja të ngecura atje të mund të largohen dhe gruri të mund të merret nga anijet e tjera, duhet të jetë “e thjeshtë në vetvete”.

“Ushtria ruse, për më shumë se një muaj, ka shpallur çdo ditë korridore kalimi të sigurta, të cilat mund të përdoren nga çdo anije pa parakushte, pengesa apo rrezik për veten e tyre”, thotë ai.

Ukraina ka thënë se ka nevojë për “garanci efektive sigurie” përpara se të fillojë dërgesat, duke shprehur shqetësime se Moska mund të përdorë çdo korridor të mundshëm për të sulmuar nga deti.

Lavrov thotë gjithashtu se shpreson se Ukraina nuk do të shikojë përsëri drejt Perëndimit për më shumë dërgesa armësh.

“Ata duhet ta kishin ndalur një retorikë të tillë shumë kohë më parë dhe të ndalonin së ndezur gjërat në hapësirën mediatike në një përpjekje për të mbajtur vlerësimet e tyre“, thotë ai.

Ai paralajmëron gjithashtu Perëndimin se “duhet të kuptojë se kënaqja me armë e Kievit nuk do të çojë në asgjë të mirë”./ BBC

/rtsh.al/