Legjenda e Anglisë, Beckham largohet nga futbolli: Realizova ëndrrat (FOTO)

David Beckham ka vendosur të tërhiqet nga futbolli, duke i dhënë fund një karriere të shndritshme në fushë.

The Sun shkruan se ai tha: “Unë jam mirënjohës PSG-së që më dha mua mundësinë për të vazhduar, por unë ndihem se tani është koha e duhur për të përfunduar karrierën time, duke luajtur në nivelin më të lartë.”

Ai shtoi: “Në qoftë se ju më kishit thënë mua se si një djalë i ri unë kisha luajtur dhe fituar trofe me djalërinë time në  klubin e Manchester United, të ish kapiten krenar dhe të kem luajtur për vendin tim mbi njëqind herë dhe të rreshtohesha për disa prej klubeve më të mëdha në botë, unë do t’ju thoja se ishte një fantazi. Unë jam me fat që kemi realizuar ato ëndrra”-,tha Beckham.

Kur u pyet për të komentuar lajmin nga Sportsmail, përfaqësuesi i Beckham ishte sot i padisponueshëm.

Që në debutimin e tij për Manchester United dy dekada më parë, 38-vjeçari ka dalë si sportisti më unik i brezit të tij, dhe ka festuar si një kampion në katër vende të ndryshme, futbollisti i vetëm britanik në histori që ka bërë kështu.

Pavarësisht ofertës së një marrëveshje të zgjeruar një-vjeçare nga gjigandi francez PSG, burimet në Paris kanë thënë Sportsmail se 38-vjeçari ka luajtur ndeshjen e tij të fundit, duke u përpjekur për të ndihmuar Carlo Ancelotti të fitojë titullin francez Ligue 1 për herë të parë në 19 vjet këtë fundjavë.

Beckham filloi karrierën e tij në Manchester United, duke shënuar 85 gola në 394 ndeshje. Mesfushori i cili ka luajtur për disa prej klubeve më të mëdha në botë të tilla si Manchester United, Real Madrid, Milan dhe Los Angeles Galaxy,  ka vendosur tani që të vazhdojë detyrat e tij si ambasador me një shumëllojshmëri të organizatave, të cilat përfshijnë Sky Sports, Adidas , Unicef dhe promovimin e futbollit në Kinë.

Legjenda e Anglisë David Beckham largohet nga futbolli

Duke u zhvendosur nga Los Angeles në janar, Bekham pritet të ketë ngritur një bazë të përhershme në Londër me gruan e tij Victoria dhe fëmijët, Brooklyn, Romeo, Cruz dhe Harper.

Lindur në Leytonstone, Beckham ka filluar me Rovers Ridgeway, para se të përzgjiodhej nga legjenda e Manchester United Sir Bobby Charlton në një shkollë futbolli në Barcelonë.

Në moshën 14-vjeçare, ai nënshkroi kontratën si gjimnazist në Old Trafford dhe u bashkua me sërën e Gary Neville, Paul Scholes dhe Nicky Butt në klasën e famshme të Unitedit të të rinjve të vitit 1992, duke bërë debutimin e tij të parë në skuadër kundër Brighton në Kupën e Ligës në të njëjtin vit.