Lehtë për liderin

Sigal Prishtina të dielën e ka korrur edhe fitoren e 21-të në këtë edicion. Bardhekaltrit e kanë mposhtur me lehtësi si mysafirë Kosovën e Vushtrrisë, me rezultat 62:111, në kuadër të xhiros së 24-t të TechnoMarket Superligës së Kosovës në basketboll.

Në këtë mënyrë prishtinasit vazhdojnë të qëndrojnë edhe më tej në pozitën e parë të tabelës së klasifikimit, edhe pse kjo skuadër e ka një ndeshje më pak të zhvilluar, në dallim prej ekipeve të tjera.

Po të dielën, fitore ka shënuar edhe Kolegji EuroSport si mysafir i Bambit. Ndeshja mes këtyre dy skuadrave ishte mjaft interesante, andaj edhe përfundoi me vetëm një pikë epërsi për skuadrën mysafire. Bambi u mposht nga Kolegji EuroSport me rezultat 81:82.

Kurse të shtunën Bashkimi ka triumfuar ndaj Pejës me rezultat 74:60, i cili takim ishte edhe derbi i kësaj xhiroje. Ndërsa, të shtunën fitore ka shënuar edhe Trepçan si mysafire e Dritës, me rezultat shumë të thellë, 65:123.

Rezultatet – xhiroja e 24-t

Kosova – S. Prishtina 62:111
Bambi – K. EuroSport 81:82
Drita – Trepça 65:123
Bashkimi – Peja 74:60

Tabela

1. S. Prishtina 23 44
2. Trepça 24 43
3. Bashkimi 24 42
4. Peja 24 36
5. Kosova 24 32
6. Bambi 23 31
7. K. EuroSport 24 30
8. Drita 24 26