Leku fiton terren ndaj valutave kryesore

TIRANË, 17 shtator /ATSH/ Në tregun e këmbimit valutor vendas, të mërkurën leku fitoi pikë ndaj dollarit amerikan, euros dhe paundit britanik, ndërsa humbi terren ndaj frangës  zvicerane, krahasuar me një ditë më parë. Sipas kursit të këmbimit të Bankës së Shqipërisë, dollari amerikan këmbehet me 81,73 lekë ose 0,35 lekë më pak se një ditë më parë.

Monedha europiane humbi 0,13 lekë dhe këmbehet me 96,78 lekë.

Paundi britanik humbi 0,37 lekë dhe këmbehet me 111,55 lekë, ndërsa franga zvicerane u forcua me 0,16 lekë dhe këmbehet në kotën e 103,90 lekëve.

Aktorët e tregut shprehen se, luhatjet në tregun valutor reflektojnë trendin e kërkesë- ofertës. Sipas tyre, prurjet në valutë të emigrantëve, sezoni turistik dhe zgjerimi i investimeve të huaja në ekonomi, ka shtuar fluksin e qarkullimit të euros në treg dhe për pasojë edhe dobësimin e saj ndaj lekut.

Referuar të dhënave nga BSH-ja, monedha europiane regjistroi një forcim të lehtë në fund të gushtit për të nisur më pas rënien në fillim të shtatorit. Megjithatë, dobësimi i euros  gjatë këtij viti ka qenë më i moderuar krahasuar me vitet e kaluara.

Monedha Kryesore			Lekë për njësi të monedhës së huaj
Dollar Amerikan	USD	81.73	-0.35
Euro	EUR	96.78	-0.13
Poundi Britanik	GBP	111.55	-0.37
Franga Zvicerane	CHF	103.90	+0.16
Jeni Japonez (100)	JPY	55.85	-0.01
Dollari Australian	AUD	54.51	-0.22
Dollari Kanadez	CAD	59.42	-0.19
Korona Suedeze	SEK	8.84	-0.03
Korona Norvegjeze	NOK	8.33	-0.02
Korona Daneze	DKK	12.97	-0.02
SDR	SDR	112.44	-0.27
Ari(OZ 1)	XAU	299801.17	-3,486.89
Argjend(OZ 1)	XAG	3399.40	-106.24
Juani Kinez (onshore)	CNY	11.50	-0.04
Juani Kinez (offshore)	CNH	11.51	-0.03
Lira Turke	TRY	1.98	-0.01

j.p/