Leonardo mund të largohet nga Milani

Leonardo ka dyshime për vazhdimësinë e punës te Milani: pasiguritë nuk lidhen me të tashmen, por me të ardhmen. Sezoni që po mbyllet, mund të jetë i pari dhe i fundit në stolin kuqezi. Trajneri tundohet prej faktit që cilësohet si pasardhësi i Dungës te Brazili, ose në rolin e super-manaxherit për organizimin e Botërorit 2014. Por, vendimi për të ndryshuar lidhet edhe me faktin se projekti i Milanit nuk jep asnjë garanci, pavarësisht faktit se ky sezon ka qenë më pozitiv nga sa mund të parashikohej në fillim.