Lepujt garojnë se kush po kërcen më shumë

Amsterdam, 30 gusht - Në Danimarkë është mbajtur gara për kërcimin e lepujve. Edhe pse në pamje të parë, shumë mund të brengosen për të drejtat e kafshëve, duket se lepujve iu pëlqen kërcimi i pengesave. Pronarët i mbajnë të lidhur dhe i drejtojnë nga pengesat, të cilat lepujt i kalojnë pa problem. Pronarët dhe arbitrit thonë se sekreti është në atë që duhet filluar të trajnohen si të vegjël.

Ky lloj sporti nuk është i ri dhe daton nga vitet e 80-ta të shekullit të kaluar nga Suedia.

Gara daneze e kërcimit të lepujve 2010 është mbajtur më herët gjatë këtij muaji, dhe ka mbledhur numër të madh të konkurrentëve.