Lezhë, aksident me dy të plagosur

Një makinë e cila i ndërpret rrugën një furgoni ka sjellë dhe aksidentin e radhës, me dy të plagosur në Lezhë.

Ngjarja është raportuar në aksin rrugor Lezhë-Laç, ku një makinë është përplasur me një furgon në kryqëzimin e “Shënkollit”.

Mësohet se të plagosurit janë transportuar për në spitalin e Lezhës, për të marrë ndihmën mjekësore.

Policia e cila ndodhet në vendin e ngjarjes, ka nisur hetimet paraprake.