Lezhë, plumbat shfarosin një familje

Nga ngjarja mbetën të vdekur tre persona, përkatësisht Rrok Shtjefni, 57 vjeç, bashkëshortja e tij, Mira Shtjefni, 55 vjeç dhe djali i tyre 24-vjeçar, Fatjon Shtjefni.

Krimi i rëndë u regjistruar orët e vona të mbrëmjes së shkuar në fshatin Blinisht të Lezhës. Masakra ka ndodhur në oborrin e shtëpisë. Ata u dërguan me urgjencë në spital, por kishin ndërruar jetë më parë, çka ndërhyrja e mjekëve s’mund të bënte asnjë.

Policia dyshon se autor i ngjarjes është shtetasi Kastriot Zhuba, i cili është shpallur në kërkim. Dyshohet se ngjarja ka ndodhur pas një zënke për çështje pronësie. Autori është edhe me precedentë të mëparshëm penal. Policia po zhvillon hetime dhe po punon për kapjen e autorit. /Start/

                                                                                             2012-09-25 08:16