Nje krevat ne "Qytetin Studenti", datat e regjistrimeve Luljeta Ndoka
Te perfitosh strehim 1-vjecar ne nje nga bujtinat e "Qytetit Studenti", duhet te plotesoni nje sere dokumentesh, te cilat duhet t'i dorezoni brenda afateve qe ka percaktuar Ndermarrja nr. 1 e Trajtimit te Studenteve. Drejtori i kesaj ndermarrjeje, Bujar Brovina, thote se jane vendosur datat 1 tetor deri me 4 tetor per regjistrimin e studenteve nga vitet e dyta e lart, ndersa per studentet qe e kane fituar sivjet kete status, eshte vendosur nje afat tjeter kohor per regjistrimet. Keshtu, sipas Brovines, ata do te regjistrohen nga data 5 deri me 7 tetor. Ndersa me 8 tetor, eshte dita e pare e vitit akademik 2012-2013, pra pritet qe procesi i regjistrimit te kete perfunduar para dates 8. Per t'u regjistruar, ata duhet ta bejne pagesen prane filialeve te BKT, e VENETO BANK (San Paolo). Nderkaq, pasi te kene perfunduar se regjistruari studentet e ketyre viteve, do te regjistrohen ata te viteve te para. Sipas Brovines, studentet e viteve te para do te regjistrohen nga data 5-7 tetor te ketij viti. Procesi i regjistrimit do te shoqerohet me nje sere dokumentesh. Dokumenti kryesor eshte certifikata me fotografi, e periudhes Korrik - Tetor 2012 ose fotokopje e Kartes se Identitetit, e shoqeruar me fotografi dhe e noterizuar. Gjithashtu, duhen edhe 3 cope fotografi. Vertetimi nga fakulteti perkates ku vazhdojne studimet, i cili duhet te jete origjinal dhe i vulosur, eshte nje tjeter dokument qe duhet te dorezojne studentet. Nga ana tjeter, kerkohet edhe raporti mjekesor nga rrethi perkates. Per te perfituar sherbime mjekesore falas, studentet duhet te sjellin prane Qendrave Shendetesore, kartelen mjekesore. Mandat-pagesa dhe urdhri i regjistrimit nga inspektoret regjistrues qe jane te vendosur prane cdo bujtine, jane dokumentet e fundit qe kerkohen. Studentet e vitit te pare duhet ta bejne pagesen prane bujtinave kur regjistrohen, ndersa ata te viteve 2 - 6, te cilet jane te shpallur ne liste -pasaporta sipas bujtinave perkatese te planifikuar per vitin akademik 2012-2013, e bejne pagesen per strehim prane BKT (Banka Kombetare Tregtare) me numer llogarie te TS-1 sh 403002295 dhe prane Veneto Bank, me numer llogarie te TS-1 sh.a 6937. Pagesa per strehim eshte ne shumen 40 mije leke. Ne faqen e internetit te Qytetit Studenti, drejtori Bujar Brovina u ka dedikuar studenteve nje fjalim mireseardhjeje, ku shprehet se stafi drejtues eshte perkushtuar maksimalisht per te permbushur detyrimet ndaj studenteve. "Ne vije te ketyre detyrimeve, prioritetet tona edhe per kete vit akademik jane: salla studimi te pajisura me internet, siguri, qetesi, garanci per sherbimet publike, sherbim mjekesor, energji, uje, ambient e paster, stimuj per aktivitete kulturore, motivim dhe mbeshtetje per te ngritur iniciativa ne funksion te permiresimit cilesor te standardeve, komunikimi i ndersjelle, debate konstruktive etj.", shprehet Brovina.