Lezhe, prangosen dy punonjes te OSSH-se

Tirane-Veprimet korruptive me detyren kane cuar ne pranga dy punonjes te OSSH-se ne Lezhe. Burime zyrtare te Policise se Shtetit, bene te ditur se pas operacionit te koduar "Energjia e Nderprere", dje u arrestuan ne flagrance Viktor Ujka, 45 vjec me detyre kryetar i deges se shitjes ne OSSH dega Lezhe dhe Gjovalin Prenga 57 vjec, me detyre faturist dhe specialist per nderprerjen e energjise. Arrestimi i tyre u be pas nje hetimi disa mujor te veprimtarise se tyre nga Drejtoria kunder Krimit Financiar, ne Policine e Shtetit dhe Prokurorise se Lezhes. Ne baze te ketij hetimi, te kryer me metoda speciale, dyshohet se keta persona me ane te veprimeve te paligjshme, korruptive, per nje periudhe prej rreth dy vjetesh, e kane detyruar nje subjekt tregtar qe t'u jepte ryshfet ne nje shume prej 800 000 leke ne cdo muaj. Sipas policise, ky veprim korruptiv kryhej ne kembim te faturimit aforfe te energjise elektrike, per nje vlere me te vogel nga sa ky subjekt konsumonte. Subjekti tregtar kercenohej se ne rast se nuk do te paguante 800 mije leke ryshfet, do t'i nderpritej energjia elektrike dhe do te kishte faturime shume te larta. Arrestimi ne flagrance i dy punonjesve u be ne zyren e OSSH, dega Lezhe, pasi i kane marre subjektit tregtar shumen e 500 mije lekeve si ryshfet per muajin gusht, ku disa dite me pare i kishin marre edhe 300 mije leke, ne kembim te lidhjes se energjise elektrike. Pas arrestimit dy punonjesit e OSSH-se do te perballen me akuzen e "korrupsionit pasiv te personave qe ushtrojne funksione publike", e kryer ne bashkepunim. Dosja ne ngarkim te tyre do te ndiqet me tej nga Prokuroria e Rrethit Gjyqesor Lezhe.

L.K