Liban, fitojnë liberalët e mbështetur nga Shtetet e Bashkuara

Bejrut - Koalicioni politik i mbështetur nga Shtetet e Bashkuara të Amerikës ka fituar zgjedhjet legjislative në Liban. Rezultatet zyrtare, të cilat u publikuan sot, e nxjerrin në avantazh këtë koalicion përballë grupit radikal Hezbollah dhe aleatëve të tij.

Ministri i Brendshëm, Ziad Baroud bëri publike rezultatet e zgjedhjeve në një konferencë shtypi, që treguan se koalicioni anti-sirian kishte fituar shumicën e vendeve të parlamentit me 128 anëtarë.