Libi ceremoni per deklaraten e clirimit
Autoritetet e përkohëshme qeverisëse në Libi, ashtu sic edhe ishte njoftuar më parë, u mblodhën në Bengazi për të mbajtur ceremoninë zyrtare të shpalljes së clirimit të vendit.
Autoritetet e përkohëshme zgjodhën Bengazin për të shpallur deklaratën e tyre, pasi nga ky qytet nisën protestat e para kundër regjimit të Gadafit, në ditët e para të këtij viti.
Zv/presidenti i Këshillit Kombëtar të Tranzicionit, Abdul Hafiz Goga ishte i pari që mbajti fjalën para mijëra personave të mbledhur në sheshin qendror të Bengazit ku u shpall clirimi i vendit.
“Jini krenarë, jini libianë të lirë nga LibiaOKB: Hetim vdekjes së GadafitLibi, raportimet: Vdes Gaddafi Libi, forcat anti-Gaddafi marrin Sirten kthetrat e Gadafit”, nisi fjalën e tij Goga.
Ndërkohë, kreu i KKT-së, Abdel Jalil bëri thirrje që të shmanget dhuna dhe njerëzit të përgatiten për tranzicionin paqësor drejt demokracisë.
“Mendoni për humbjet njerëzore, mendoni për sakrificat që bëmë, mendoni për rindërtimin e vendit. Tashmë duhet shmangur dhuna”, tha Jalil.
Deklarata e clirimit u njoftua pak orë pas vrasjes së ish-diktatorit, Muamar Gadafi, ditën e enjte.
“Ligji islamik do udhëheqë Libinë”
Kreu i Këshillit Tranzitor në Libi, Abdel Jalil, në fjalimin e tij para popullit libian në qytetin e Bengazit, përvec deklarimit të clirimit të plotë të vendit, premtoi edhe se ligji islamik, do të jetë baza e ligjeve në Libinë e së ardhmes.
“Si vend musliman, Sharia duhet të jetë në bazë të legjislacioni tonë, cdo ligj që bie ndesh me parimet islamike do të shpallet i pavlerë”, tha Jalil.
Obama: Për Libinë nis një epokë e re
Presidenti amerikan, Barak Obama përshëndeti atë që ai e quajti, nisjen e një epoke të re për Libinë.
“Pas 40 vjetësh diktature brutale dhe 8 muajsh lufte të përgjakshme, libianët tashmë mund të festojnë lirinë e tyre dhe nisjen e një epoke të re për ta”, thuhet në një mesazh të Obamës drejtuar popullit libian.
Mesazhe drejt libianëve kanë dërguar edhe Ministri i Jashtëm britanik, Ulliam Hague dhe homologu i tij francez, Zhupe. Të dy diplomatët europianë mirëpriten shpalljen e clirimit të Libisë duke e cilësuar atë si një ngjarje historike.
Trupi i Gadafit do t'u rikthehet familjarëve
Qeveria provizore libiane ka theksuar se trupi i Muammar Gaddafi-t do i rikthehet familjes së tij.
Në qytetin Misrata është kryer edhe autopsia që ka dalë në përfundimin se ish-diktatori gjeti vdekjen nga goditja me armë zjarri.
Sipas disa mediave besnike të Gaddafi-t, Koloneli kishte lënë amanet të varrosej në Sirte tre ditë para vdekjes së tij.
if (window.ads_ad_block){ads_ad_block=ads_ad_block+1;}else{ads_ad_block=1;} function showAdBlock_2136(ppc_ad_block_count) { title = document.title; show_ads_id = 2136; show_ads_url = "http://www.kosoftads.com/publisher-show-ads.php"; block_count=ppc_ad_block_count; iframe_width=580; iframe_height=115; metainfo=document.getElementsByTagName('meta'); ref=document.referrer; showContentAds(metainfo); } setTimeout("showAdBlock_2136("+ads_ad_block+")",1000*(ads_ad_block-1));
Lajmet kryesore
Buxheti, tjetër shkurtim shpenzimesh
9-mujori: Më pak të ardhura, më pak investime. Mungojnë 7 miliardë lekë
Turqi, 217 persona të vdekur nga tërmeti
Aleanca kundër importit të plehrave
PS: Votoi 64 përqind e anëtarësisë
Konfindustria publikon raportin 9-mujor