Libia feston nesër 1-vjetorin e parë të revolucionit

Libia feston të premten përvjetorin e parë të revolucionit, që solli fundin e regjimit 40-vjeçar të kolonelit Muammar Gaddafi.

Festimet pritet të mbahen në të gjithë qytetet kryesore të vendit, përfshi edhe vatrën e rezistencës, në Bengazi, ku turmat e entuziasmuara janë mbledhur prej disa ditësh.

Megjithatë, përvjetori vjen ndërsa frika për paqëndrueshmëri politike në vend është gjithmonë e në rritje.

Qindra grupe të armatosura banditësh kanë përfituar nga anarkia dhe boshllëku institucional që mbizotëron në vend duke qarkulluar të pashqetësuar në zona të ndryshme të Libisë.