Liceu Artistik, drejt "ringjalljes"

Liceu Artistik "Jordan Misja" duhet te promovohet me shume, duhet te integrohet ne projekte dhe duhet ta meritoje statusin si "shkolle kombetare". Duket se ky eshte qellimi kryesor i drejtoreshes se Liceut, Evis Grezda. Duke qene shume e apasionuar ne punen e saj, jo vetem si drejtuese, por edhe si mesuese, violinistja ka vite qe ushtron profesionin e saj si mesues ne Lice, ndaj duket se e ka me te lehte te "sheroje" te gjitha plaget qe kane bere qe te caloje puna te "Jordan Misja". Qe ne momentin kur eshte punesuar si drejtoreshe ne kete institucion arsimor, ajo i ka vene vetes disa objektiva. "Qellimi im kryesor eshte qe Liceu Artistik te promovohet, te aktivizohet neper projekte si dhe te nxjerre nxenes te afte ne programet ku ata studiojne", thote drejtoresha Evis Grezda. Kesisoj, njera prej menyrave qe do te rriste cilesine ne kete shkolle, sipas violinistes do te ishte nje sistem me i mire perzgjedhes i nxenesve. "Qe te hysh ne kete shkolle, duhet te kesh disa parametra, qe kur nderthuren, behen vendimtare per te ardhmen e nxenesit", thote Grezda. Ne kete kontekst, sipas saj do te ishte mire qe te behej nje program ku te saktesoheshin kriteret per pranimin e nxenesve ne shkolle. "Aplikanti duhet te kete vesh te mire muzikor, duhet te jete inteligjent, por duhet te kete edhe parametrat fizike, per deget specifike ku nje element i tille eshte i rendesishem", argumenton ajo. Megjithate, talenti pa punen, nuk do te ishte efikas per cdonjerin nga nxenesit. Evisit i ka ndodhur shpesh qe ne zyre t'i shkojne prinder qe duan domosdoshmerish qe femija i tyre te behet artist, edhe pse komponentet e siperpermendur nuk jane ne nivelin e duhur. Megjithate, per kete kategori prinderish, ajo jep nje keshille qe te mos i sforcojne femijet e tyre. "Ne shume raste, duke dashur qe femijet e tyre te behen patjeter artiste, prinderit i shtrengojne femijet qe te ndjekin rrugen e artit, nderkohe qe atyre nuk u jepet per dicka te tille. Kjo eshte gjeja me negative, pasi femija humbet vite te tera duke u perkushtuar per dicka qe nuk e ka ne gjak", thote drejtoresha e Liceut Artistik "Jordan Misja". Sa i perket ruajtjes se vlerave te shkolles, apo vecanerisht edhe te nxenesve qe kane kryer studimet ne kete shkolle, Grezda ka menduar qe te krijoje nje fond me punet qe kane kryer ata. Per shembull, per piktoret apo skulptoret per vite me radhe, punet e tyre te diplomes, apo gjate periudhes mesimore nuk jane ruajtur. Pikerisht kete pike, Grezda synon ta riparoje, duke i ruajtur te gjitha. Dhe neser, kur nje nxenes te jete bere nje artist shume i mire, ne fondin e shkolles do te jete prova e zanafilles se ketij artisti, aty ku talenti i tij ka hedhur rrenje.