Liderët ndërkombëtarë reagojnë për emërimet e BE-së

Kryetari i Komisionit Evropian, Hoze Manuel Barroso deklaroi se ishte e pamundur që të gjendej një zgjidhje më e mirë sesa emërimi i Herman van Rompuy si president, dhe i Katherine Ashton si kryediplomate.  

Kancelarja Angela Merkel theksoi se Rompuy do të sjellë konsensus dhe garë politike në presidencë.

Kryeministri britanik theksoi se emërimi i Ashton në krye të diplomacisë është një shenjë respekti që vendet kanë treguar ndaj Britanisë së Madhe.

Ndërsa sekretarja amerikane e shtetit, Hilari Klinton deklaroi se emërimet janë një gurthemel për Evropën dhe rolin e saj në botë.