Ligji kundër diskriminimit, arritje për Shqipërinë

Tiranë, 2 mars NOA Ambasadorja e Anglisë në vendin tonë, Fiona Mcllwham ka vlerësuar si një hap mjaft pozitiv miratimin e ligjit për diskriminimin nga qeveria shqiptare. Deklarata e saj u bë në kuadër të hapjes së Javës së Përfshirjes, një iniciative e ambasadës Britanike dhe Këshilli Britanik për përfshirjen në aktivitete të gjithë kategorive shoqërore.

Organizimi i Javës së Përfshirjes, është bërë në bashkëpunim me Fondacionin Shqiptar të të Drejtave të Aftësisë së Kufizuar dhe Fondacionit Vodafone Shqiptar. Në këtë aktivitet kanë marrë pjesë edhe ministri i Punës, Çështjeve Sociale dhe Shanseve te Barabarta Spiro Ksera, dhe Drejtoresha e Fondacionit për Fëmijët Shqiptarë Liri Berisha.

Ambasadorja angleze theksoi se ligji kundër diskriminimit që u miratua në Parlamentin Shqiptar muajin e kaluar ishte një hap shumë pozitiv përpara.

Ajo shpjegoi se ne Britani çështja e antidiskriminimit dhe mundësitë e barabarta janë në krye të axhëndës.

Arsyeja për këtë është e thjeshtë. Ne nuk e shohim thjesht si politike apo si program; ne nuk e shohim si mbështetje për më të dobëtin. Ne e shohim si diçka që shkon në zemër të Britanisë moderne, diçka që tregon esencën tonë, kush jemi ne si një komb Europian. Diversiteti përkufizon Britaninë: Është ai që na jep ne forcë dhe dinamizëm, tha ajo.

Si pjese e programit të Javës së Përfshirjes ka ardhur në Tiranë, David Morris, Drejtori për Përfshirjen në Lojërat Olimpike dhe paralimpike 2012 në Londër, për të folur për angazhimin e Britanisë ndaj përfshirjes.

m.xh/NOA